結婚旺季

踏入十月代表了結婚旺季的來臨，好多新娘都開始緊張於為婚禮作最後的準備，但不知為何總有做不完的準備。似是井井有條，卻又不知何解的不安，總怕漏了。
每次都苦口婆心交代新娘子一定要盡量享受婚禮，不要過份緊張細節，交給信任的人去處理問題，好好享受做新娘子的唯一一天吧！但多數仍會為婚禮的小禮物緊張，追問某某到了嗎？我的晚裝掛好了嗎？媽媽化好了妝嗎？新郎哥呢？等等~ 站在一邊的我聽了也開始緊張。
作為新娘化妝師的我，希望所有新娘子都可以用最開心的心情去迎接自已的大日子！

2012準新娘

一個婚禮，攝影師是不可缺的人物，他們會將整個婚禮作一記錄，所以姊妹們真的不要懶，酒店酒樓可普通，但攝影師一定要盡力搵一個出色的，因為他們真的可以令你好後悔！

當日我就自信覺得，平時出街影合照，我都一定不會有問題，只要不是金刀的平價攝影服務就應該不會太出人意表吧！結果只是15分鐘就決定用了租婚紗公司的攝影服務後，到今日還在為當天的決定後悔！

好彩最安慰的是我那精彩的台灣婚紗相，影得真係好好，將我所有缺點都隱藏了，十萬分感動！愛情萬歲-小黑真的是我遇過最勵害的攝影師，謝謝~

2012年準新娘（二）

想要一件VeraWang的婚紗好可能是大部分女人的夢想，因為我是其中一個，好恨有的人！不過現實終歸要面對，要有好大的頭先可以襯到好大的帽~~~嘻，所以我決定先去婚紗展行個圈，睇下現時大部分婚紗店的行程，再作定斷。

記得當日行入會展時，不見人山人海，真的鬆了一口氣，因每次去多人的地方時，身邊人一定面有難色加快步速，所以天助我也，哈哈哈！不過會展的婚紗套餐基本上間間差不多，價錢由五六千到一萬左右，款式亦大致相同，所以我揀了其中一間入去詳細了解。

現代婚紗：都幾有禮貌，價錢亦合理，大約四件四千蚊左右， 不過款式就沒有特色，同我之前去試那間差不多（朋友介紹去試的），我心想如果差不多我會去朋友介紹那間租。之後就沒有再細睇第二間。當準備行完一圈就會離開之時，我遇到了牠，一件我會停下來望的婚紗！我即刻問身邊人覺得點？佢的反應同我一樣：都幾靚！

於是就租了這一間《歐陸婚紗攝影有限公司》的婚紗及婚禮當日攝影等，現在想起亦覺得我們真的好衝動，只是一件婚紗合眼緣就所有都決定用同一家，好佩服自己和身邊人的勇氣...

興幸到這一刻，我還是沒有後悔租這件婚紗，因為真的很簡約，是我心頭好！

2012年準新娘（一）

距離婚期剛好三個月，終於開始想寫些關於結婚的事。

講起結婚就離不開數不盡的費用，其實香港人要結婚真不易，如果要我儲錢結婚，我可能十年都嫁不出，因為以一個普通女性，愛買、愛玩、愛浪費的性格，要儲到夠結婚的錢真的難過見到流星雨，唉!好幸運我的另一半將我不能實現的事實現了，十萬分感激之餘亦很佩服他的能力!嘻

不過雖然叫做順利進行中，不過還有好多洗費（擔心中），所以結婚真的不可以隨便結，要找到真心相愛的人先可以向住目標，一齊努力。
 

生活可以好簡單

對長期缺少運動的我來講，yoga是一個可以放鬆的好活動！由最初的試玩變成會員都出於自願，亦是自己期待的活動，所以每次去都是開心...加上有戰友的陪伴，就更加開心了！

Fango Brightening Mud Mask For Face And Body

要做一個靚新娘，除咗面要靚，個body都好緊要！所以見到Borghese新出的product，認唔住要買來試一試！一擦落面果然同網上睇到情況一樣有d吉吉地，好彩只是幾廿秒就沒事，一邊fu一邊都驚驚地，事關本人皮膚好易敏感（擔心中）不過fu完一d事都無，有少少緊，但好乾淨，擦完保濕精華即刻吸收晒，有緊緻的感覺！之後會試做埋body mask，去feel下佢！下回再同大家分享^^

SOFINA防曬

sofina的皇牌產品：美白抗老化防曬乳液
已經第四支sofina的防曬，一d都無令我失望，擦完一d都唔"粒"，又唔乾，防曬效果亦好!大家如果是敏感皮膚一樣可以用，不過就最好揀佢另一支無美白成份會安全d，因為多數敏感皮膚的人都盡量用不含美白成分的product，好多美白的product都會比較刺激，要好小心選擇。我個人就有敏感的問題，連olay的美白精華都會痕，真係好煩，想用平少少都唔得==，所以大家都要小心^^有與趣的朋友不防試試~~




http://web.sofina.com/hk/beaute/

城市獵人﹣李民浩

http://youtu.be/NUnwZGjXvzA

繼《原來是美男》後，又一睇得好開心的韓片。男主角李民浩真係好靚仔，無論邊一個角度都是完美的演繹，好想知韓國的整容技術到底有幾出神入化，定係佢真係天生麗質呢？我個人一啲都唔抗拒整容，覺得簡直係科技給人類的重大供獻。有好多人因為自已長相不如意，而失去自信，生活得好苦悶，有時連出街都唔想。作為化妝師的我十萬分認同變靚可救回失去的自信，只係任何嘢都不要沉迷，不要過火。有時出街見到好多少女，都用心打扮自已，務求令自已變成另一個人先出門，真係睇到心驚驚!
要尋找一種適合自已的妝真係唔易，不過愛靚的朋友只要緊記，靚要由低層開始，護膚先係靚的根源!

Naruko新產品（試後感）

試用咗兩星期，比我想像中好用，唔會“粒”，吸收好快，無出現痕或者暗瘡問題。價格合理！值得推荐俾朋友用^^

我本來皮膚易出暗粒，乾中帶油，嚴重缺水，每次去做facial都會俾人話：「你真喺好乾wor，一下就吸晒d精華素，我已經不斷加... 」講唔停，令到我每次都好失落，仲要成日甩皮，同局部敏感，唉！真喺乾到爆，我好明！依家用咗兩個星期，無再甩皮同敏感，好開心！如果有人好似我咁，都不防試下，反正唔試真喺唔會知啱唔啱自己！希望各位愛美人士都要加油喔！

想了解多d呢個產品，可以睇下佢地個官網http://www.naruko.com.tw/shop/

Naruko新產品

新買的保濕產品，是牛爾老師出的產品，好期待它的功效

24hrs超濃縮三重破尿玻精華液
功效：長效保濕與高效潤澤，改善乾燥，粗糙及細紋，維持肌膚正常的油水平衡...

水仙全效修護晚安凍膜（新配方）

犀利人妻片尾曲 - 重傷

片尾插曲每次出現都是很傷人的劇情



 23集的犀利人妻最後真喺無令我失望！

一套令所有女人對愛情好失望的劇，同時又令男人知道平凡的幸褔。每個人 都想追求愛情，追求夢想，但婚姻又是甚麼？是責任，是無奈？多可恨的想法，男的說只有尊重跟責任的關係不是愛，女的問我做錯了甚麼？你要這樣對我，男的說 你沒有錯，錯的是我（我一邊看一邊忍著，我當然知道是男的錯，可是為甚麼要把兩個人的愛情變成這樣呢？這又是誰呢？以愛的名義偷情，還偷得不亦樂乎，這又 算甚麼？）一段無法原諒卻又難以割捨的關係，令女人狗也不如，為甚麼不要放手，因為孩子，因為家庭...通通都是無聊的藉口，每個人都不願意去面對事實， 希望不完美的婚姻可以變回完美，可以嗎？我個人是覺得一定不可以，如果他要放棄你，就不要再爭了，何苦要自已傷的更重呢？劇中有一場男方要求女方簽離婚書 的戲，我一邊哭，想為甚麼男人可以為一個新愛上的人去這樣對一個愛你十年的老婆，太可狠的一幕，不管女的哭成瘋子，男的還是堅持你為甚麼就不放我走，還動 手抓著女方手要她簽，最後女的萬念俱灰下叫男的放手，自已再紙上簽下名。如果現實，男人真得可以這麼賤嗎？我不知道，只明白天下太大，人心太難測，沒有一 件事是你可以完全掌握的！要學會保護自已也要更愛自已多一點!這樣你才不會被拋棄你的人看不起，不要怕成了這部戲的口號！

希望有更多人學懂，愛自已，不要怕！

Chic Moment-Yanis

BLACK SWAN

好長一段時間沒有機會看一場精彩的電影，《Black Swan》精彩!！！女主角的演出令我心感痛苦，黑天鵝的演出瀝瀝在目，在那一刻我愛上了她！

MAYBELLINE IMPACT EXPRESS SMOOTH FELT LINER

一直都喺Maybelline fans嘅我，第一次用咗呢支眼線筆後有種好受傷的感覺＝＝

話說有一日同朋友去食飯，談笑風生之際“拍”著笑穴連眼淚都流咗幾滴，之後坐我身邊的男人問：“J，你面有啲嘢！（完全唔明佢講乜）你照下鏡！”我即刻一照，自已都駭一駭，咩事啊？眼角位成個黑晒，隻眼大咗一倍（滴汗）男人繼續問：“你有心化到咁，定係點？你係化妝師無理由會唔小心（我都好想問回解？）”

即係好明顯呢支眼線筆係唔防暖水＝。＝真係激死，點會連出眼線都要出咁易洗得甩，睫毛液我可以理解，但眼線筆就真係好奇囉! 驚易甩的朋友勿用!

IVY@試妝

為新娘設計一個頭需要經驗加耐性，熱愛日本新娘化妝的我，決定要以一個可愛的側髻去打動新娘IVY...而努力永還都唔會白費（當然wing亦同樣出好多力），多謝IVY選用JW！

http://jwmakeupproduction.blogspot.com/2011/01/ivy.html

FANNY@試妝

今次主角Fanny好好笑，我問佢：你鍾意d咩造型呀？F話：唔知呀！你話事啦！我信你！
（當時真喺好開心）有人咁信自己一定要好俾心機幫佢諗個頭，礙於Fanny頭髮剪得太薄的關系，我幫佢set咗一個比較簡單的髺，仲要好長氣咁同佢講：唔可以再剪啦！要留返厚個頭，如果唔喺到時好難set，要忍住唔好再剪呀！（不斷重覆中）F話：知道！知道！（一個好乖的新娘）第二個頭喺我幫佢駁長咗d頭髮，俾佢feel下鍾唔鍾意自己咁長頭髮，佢話未見過自己咁長咁厚嘅頭，會好努力忍住唔去剪（hahah~~~每個女仔都好貪靚）好期待見到Fanny Bigday果日幸福嘅樣！

Candy＠試妝

好幸運遇到嘅新娘都喺好nice嘅人，今次去試妝喺超攰嘅狀態下完成，真喺要多謝Wing幫我手，

新娘亦好滿意，真喺好感激!

我的大眼（髮型１）

PAUL & JOE-MOISTURIZING FOUNDATION PRIMER BASE DE MAQUILLAGE HYDRATANTE

之前聽朋友介紹過PAUL & JOE啲product都幾好用，忍唔住自己買佢makeup base試下。不過買完之後一直放埋一邊都未有機會試，用開果啲base又未用完，女人都喺咁，有用唔完嘅化妝品haha...
今朝忍唔住開來試下，發覺佢都真係有啲料到，好潤（如果怕「笠」人士就唔啱用，本人就皮膚偏乾一用就吸晒，超正）上粉好貼，keep到5個鐘未出過油，平時我係Ｔ字位勁油人士，真喺唔錯。不過依家應該新出咗第二個名PAUL & JOE-MOISTURIZING FOUNDATION PRIMER N，唔知同我之前買呢個有咩唔同呢？如果有人用過好，都可以話我知^^

下面條link就喺佢新product
http://www.paulandjoe-beaute.hk/

Majolica majorca-Lash Enamel Glamour Volume on 魅光濃密睫毛液

MJ睫毛液一直都好受少女們歡迎，而且包裝夠華麗,廣告亦相當出色，可惜對我個人嚟講真喺每次都失望=.=''   因為除咗防水外,真喺冇乜其他優點.而且乾得好慢,我每次掃完等佢乾其間一定會整到其他地方黑咗，每次都好嬲，同埋以濃密度排名，佢一定唔入三甲，如果唔夠濃密又難乾,我真係諗唔到咩理由要用佢。可憐我每次都俾佢個廣告呃咗去試，都怪自己成日想試新嘢，好浪費 !!!!

一直好鍾意用的暗瘡膏（PAYOT)

我喺facebook有提過的超好用暗瘡膏-PAYOT
實再唔可以唔推介俾人，我唔知其他人用成點，只係知佢真喺好好用！！！！)0(
不過講明我同呢類產品絕對冇利益關係，又想將好嘢同人分享，先會再三推介。
有幾位朋友用過都讚好，話我冇呃佢哋，真喺好好彩！！！
如果你喺因為內分泌問題的暗瘡就不要試，快啲去睇醫生先喺正途！
事關一般會生暗瘡的人大部份屬於皮脂炎，多數因為毛孔阻塞而發炎或者女性多數周期性暗瘡，只要正常清潔再擦暗瘡膏一定會好轉，不過大一定唔相信暗瘡最毒之處，牠們是有記憶的，會在你生開的地方不斷生，你唔理佢，佢就會圍住同一個地方生，之後形成一個不死地，好返一粒又再生第二粒，所以絕對要係生第一粒時好好消滅佢。大家唔好覺得我講笑，我喺親身受過暗瘡折磨嘅人，所以好想話俾大家知我嘅方法。
首先一定要好好清潔皮膚，再擦上保濕用品（因為面部缺水都會生粒粒，真係好煩！！）之後厚厚擦暗瘡膏喺果粒暗瘡上面，過一晚夜，佢會好快熟，再用乾淨的工具將佢清除，再厚厚擦一層，過多一晚，一般你清得乾淨佢一定第二日會榭晒，咁唔好以為就唔需要擦，錯晒！照每日擦，直都連印都冇先可以唔用，其實過程只需要記得用就一定會好返，邊有用一兩次就好返架一定要有耐性！！！

http://www.facebook.com/notes.php?id=697715207&notes_tab=app_2347471856#!/note.php?note_id=451108529364

ESTEE LAUDER and BOBBI BROWN

相信多數化妝師都有狂買化妝品的習慣.因為每一個品牌都有自己的特色!
BOBBI BROWN已經買過數次,相好多人都會被佢獨有的大地色系所迷惑,佢每隻色有少少不同,另你好想全部都要買來試一試,可憐我銀包每次都要為佢出血 ....
首次買ESTEE LAlADUDER的眼影加閃粉,所揀色澤都是為新娘而選擇,好想即刻就有個新娘試...嘻...

Bridal Beauty-winnie明亮動人

chic moment-winnie自然亮點

今次影得好開心呀！我親自化妝+影相+後期製作=一手包辦
model超水準演出，真係另我萬分感激!!!!!
要知道唔係專業的model好難可以完全唔理路人奇異目光，
而winnie就真係可以做到呢點，一路影一路俾人望都完全無影響，
反而更投入！好勁呀！！！！！

20101125＠姊妹job

化姊妹妝其實都唔係咁輕鬆，因為多數一個人都要化幾個，唔同新娘係一對一，所以都會擔心趕到暈。加埋又唔想求其化，想每一位姊妹都好靚咁出席，所以每一次出job都會出盡力，務求大家都開開心心！！！　

Bridal Beauty-Creamy自然光彩

Crystal & Daniel Big day(^^)

要有一個完美的婚禮，需要好多人的配合，一班好嘅兄弟姊妹唔少得之餘，一班盡責的工作人員亦好重要，今日真喺學到唔少嘢！
新娘子因為天氣問題，臉部皮膚被濕疹纏繞十分痕養，最慘就係大日子呀！點可以咁，仲甩皮，可憐的crystal！好彩有cherry，真喺好勁，喺我努力幫姊妹化妝時，佢已經解決咗新娘臉部問題，真喺唔讚唔得，不愧喺cherry老師，技巧一流，如果唔喺我見到新娘未化妝前的慘況，一定唔會信！勁呀cherry~~~

Loreal - Base Magique - Transforming Smoothing Primer

Base我就用得多，但真喺遮到毛孔都係第一次咁明顯做得到，好誇張，唔信就真喺要去試下，只係HKD99（你值得擁有hahah）佢質地好得意，好似mousse咁，好想食。
不過好搶手(定喺冇人識所以入得好少貨呢?)，我去到sasa都喺得返一盒，好好彩，俾我買到~~~yeah!!!

my chic moment

我喺一個成日會喪笑嘅人,而且好怕人哋要我影相時好好望鏡頭(一見閃光燈就會眨眼,好慘),要見到我好似依家咁真喺唔易,影咗成百張得一張見得下人,呢張相真喺好唔似我,但又好鍾意 !!!!
多謝師姐搵我做model,俾一個新型像我haha~~
底妝平滑透白,眼妝大膽而又不失高貴,一般新娘一定會好鍾意,因為比平時大咗半隻眼,真喺好正,頭髮亦加了假髮片,令我的長髮更厚更靓!!!^^

大家想睇我其他相可以去我師姐個blog睇下
http://wingsmakeup.blogspot.com/2010/11/chich-beauty-jay.html

日本資生堂眼線液SHISEIDO INOUI ID THE EYE LINER

試過好多眼線液，覺得「日本資生堂眼線液SHISEIDO INOUI ID THE EYE LINER」真係唔錯，同我最愛的MJ比，仲贏咗少少！好順滑好黑，唔易化開，落妝易。MJ係平價的眼線液中，我用過最好用，可以成支用完，不過每次用都要扭好多下，要喺手上試啱分量先劃落眼，我就覺得好浪費，其他方面都表現出色，大家都不防一試，大約HKD90左右。
至於點解我會推价呢支呢？因為雖然第一次買要成HKD290，但佢係可以換芯，每支芯都係HKD78，其實常用嘅人反而唔貴，加埋一支可以用好耐，再者佢真係順滑過MJ~hah~

SOLONE 防水眼線膠筆

多數眼線筆唔多唔少都會甩色，由其係白色，朝早用完，到夜晚就冇晒，完全唔知有用過白色。好多時化妝就隻眼要有放大效果，白色眼線筆真係唔少得，因為你會只要係下眼線裡面再劃一條白色眼線，就會大隻好多，真係好神奇！只係HKD48，真喺平到唔信，跟住我就買多兩隻色haha~~~~

Chic Moment-Vinci長髮配搭

相信多數短髮的新娘都好想試下長髮造形，所以假髮片是不可缺少的。
活潑的Vinci加上假髮後完全換了一個感覺，溫柔高貴。
配合不同的禮服，加上喜愛的髮飾就完成一個造形！

Bridal Beauty-Vinci日系新娘

短髮的vinci實在好可愛，為了要整體感覺易配合，我加了假髮做了一個髻！
完整又不會太整齊，有時過分完美的髮髻會令人感覺成熟，一定要配合氣質先可以，
好似kelly頭就不是每一個人都適合！^^

Bridal Beauty-Vinci日系新娘

最愛的護膚品-iPSA

ME WHITE EX2
幾年前聽到一個女人同佢朋友講：你真喺試下用啦！好好用㗎，我之前都同你一樣，又敏感又起粒粒，你睇我依家真係好咗好多囉。友人：喺咩？我以為你喺去做facial同做機，唔知你轉咗呢個牌子wor！女人：我都喺聽人介紹，之前都未聽過呢個牌子，電視都唔見有廣告，依家我用晒佢成條line，真係改善咗好多......（果陣我都未聽過呢個牌子。我聽完就諗，有冇咁好用呀？唔知貴唔貴呢？用晒成條line實好貴啦！）後尾都喺忍唔住走去sogo睇下，望下價錢同埋有咩product。
去到見到counter細到爆，即刻冇乜興趣。不過去到都睇下啦！唔好蝕。成間嘢都喺白色，都幾乾淨，果然喺日本牌子。有個熱情sales即刻介紹佢d product又幾好又幾正，我聽完就走haha...（當時覺得自己好勁）覺得太貴，成四百幾一支，又唔知好唔好用，但個心又少少想試，女人就喺咁，一聽到人哋話好用，就好想自己都試過。結果爭扎咗幾日就買咗hahahah~~~（意志力超低!）
之後用完一支又一支，朋友問我有咩好用，我都講唔出，只係覺得佢好潤又唔會敏感，同埋皮膚好真係好咗（唔知關唔關佢事，我有去做好貴的facial），其間都有試過用其他牌子，但最終都喺用返佢，真喺離開唔到佢果種淡淡然，又好似冇乜嘢，但又令你好安心的感覺（講到好似男人咁）。近排試完olay之後，就更加發現自己真喺唔喺任何product都可以用，唉!!我都好想用又平又好的product。曾經有介紹過俾朋友用，佢地都係話冇乜嘢，但又會再買，可能大家都唔知點樣講佢嘅好用之處hahaha...
ipsa又出新product，好想試，今次要成500蚊，不過我都會試，如果好用再同大家講。